Kemi aq shumë password-e për të mbajtur mend. Bankomati, karta krediti, posta elektronike, telefona, kompiutera, rrjete sociale dhe ndoshta dikush i ka shkruar diku që të mos i harrojë. Por password-et tradicionale të përbëra nga gërma dhe shkronja edhe pse i ruajmë në memorjen tonë mund të zbulohen dhe të vidhen nga hacekrat duke hapur në këtë mënyrë “kasafortën” e sekreteve tona personale dhe ndonjëhere edhe llogaritë bankare. Prej kohësh shumë shumë agjenci po kërkojnë mënyra të reja për kodet e hyrjes. Kështu “Apple” përdor shenjat e gishtërinjve për iPhone 5 dhe 6, “Samsung” për modelet e fundit të Galaxy, banka britanike “Barclays” së shpejti do të përdorë hartën e venave të gishtave, një shoqëri sigurimesh në SHBA “Identity-X” po provon njohjen nëpërmjet zërit, etj.
Por edhe këto kode janë në rrezik të vjedhjes. Tashmë një studim duket se ka gjeture një passëord absolutisht të pakapshëm, lotët tona. Stephen Mason, një oftalmolog australian, ka zbuluar se një skaner i lotëve të një personi mudn të prodhojë kodin PIN biometrik absolutisht të pakapshëm. Sipas “Financial Times” shkencëtari ka arritur në konluzionin se asnjë hajdut i teknologjisë nuk mund të prodhojë lotin unik të një personi. Sipas tij, një skaner mund të njohë një individ sepse çdo korne syri ka një hartë të ndryshme nga një person tjetër./lapai.al/
