3 orë për të përshkuar rrugën nga Londra në Nju Jork dhe vetëm 6 orë për të shkuar nga Tokyo në Los Angeles. Do të jenë këto kohët e fluturimit për avionin e ri supersonik i lindur nga bashkëpunimi mes grupit Airbus dhe shoqërisë aeorspaciale amerikane Aerion. Do të quhet “Aerion AS2” dhe mund të jetë Concorde i viteve 2000. Modeli i ri do të fluturojë me 1217 milje në orë nga 1350 milje në orë që kishte paraardhësi i tij i nxjerrë jashtë përdorimit për shkak të kostove të mirëmbajtjes dhe aksidentit të 25 korrikut 2000. Dy kompanitë kanë njoftuar se do të bashkojnë kapacitetet e dizenjos, projektimit dhe prodhimit të modelit të ri. Ai do të ndertohet nga materiale prej fibre karboni duke e rritur rezistencën me mbi 20%, si dhe duke ulur konsumin me 30%. Mund të mbaje deri në 12 pasagjerë. Presidenti Aerion, Robert Bass tha se ky është një hap i rëndësishëm përpara që i jep garanci për ta nxjerrë avionin e ri supersonik në 2021. Kostoja e këtij avioni rrotullohet tek 100 milion dollarë. Fluturimet e provës parashikohen në vitin 2019./lapsi.al/
