Një vatër zjarri në zonën e Rribanit në Mallakastër ka marrë përmasa të mëdha për shkak të erës së fortë që ka favorizuar përhapjen e flakëve.
Zjarri është përhapur me shpejtësi duke përfshirë kurorat e pishave, duke rritur ndjeshëm rrezikun që vatra të zgjerohet edhe në zona të tjera pyjore.
Forcat zjarrfikëse janë angazhuar për të vënë nën kontroll situatën dhe për të frenuar avancimin e flakëve, ndërsa kushtet e vështira atmosferike dhe era e fortë po e komplikojnë ndërhyrjen.
Autoritetet vijojnë monitorimin e zonës, ndërsa banorët janë të lutur të tregojnë kujdes dhe të shmangin çdo veprim që mund të favorizojë përhapjen e zjarrit.
