
Një vatër zjarri e përmasave të mëdha është regjistruar ditën e sotme në fshatin Kreshpan, në Fier. Sipas informacioneve paraprake, zjarri ka përfshirë një sipërfaqe me ullishte dhe si pasojë janë djegur dhjetëra rrënjë ullinj.
Flakët janë përhapur me shpejtësi të favorizuara nga era e fortë dhe kanë vënë në rrezik masivin pyjor. Shkaku i zjarrit mbetet ende i paqartë ndërsa është kërkuar ndërhyrje edhe nga ajri.