Flash

Tuchel habit pas Francë–Angli: “Nuk e kuptova që Saka kishte shënuar tre gola”

Trajneri i Anglisë Thomas Tuchel pranoi se nuk e kishte kuptuar që Bukayo Saka kishte realizuar një tripletë. “Nuk e kisha kuptuar fare"

Lapsi.al 19 July 2026

Intervista e Thomas Tuchel për BBC pas fitores 6-4 ndaj Francës pati një moment të pazakontë. Trajneri i Anglisë pranoi se nuk e kishte kuptuar që Bukayo Saka kishte realizuar një tripletë. “Nuk e kisha kuptuar fare, e humba numërimin e golashënuesve,” tha ai. Sulmuesi 24-vjeçar i Arsenal ishte një nga temat më të diskutuara pas gjysmëfinales së humbur ndaj Argjentinës, pasi Tuchel nuk i dha asnjë minutë lojë, duke zgjedhur një qasje tepër mbrojtëse.

Në ndeshjen për vendin e tretë, Saka ishte protagonisti absolut, duke realizuar dy gola në pjesën e parë dhe të tretin nga pika e penalltisë në fund të sfidës. Përfundimisht shumë gola për Tuchel… që humbi numërimin. 

Tuchel as nuk e dinte që Saka kishte shënuar tre gola… “E humba numërimin”

“Bukayo ka treguar se është një lojtar shumë i rëndësishëm dhe kjo nuk ka qenë kurrë në diskutim,” tha Tuchel. “Nuk e kisha kuptuar as që kishte shënuar tripletë. E humba numërimin e golashënuesve. Ai e meritonte plotësisht, ishte i jashtëzakonshëm. Në gjysmëfinale mendova se Morgan Rogers do të ishte vendimtar. Kaq ishte arsyeja. Pastaj ndeshjet të detyrojnë të bësh shumë zëvendësime për shkak të ngërçeve dhe rrjedhës së lojës.”

Më vonë, në konferencën për shtyp, tekniku gjerman sqaroi se kishte treguar kujdes edhe për shkak të problemit në tendinën e Akilit që Saka kishte pasur para Botërorit. “Ndihesha ende përgjegjës si trajner për gjendjen e tij fizike. Ishte një vendim shumë i vështirë ta lija jashtë gjysmëfinales.”

Vetë Saka nuk kërkoi polemika: “Sigurisht që do të doja të luaja më shumë në këtë Kupë Bote… por tani është tepër vonë. U përpoqa të lija gjurmë në fushë. Tani gjithçka ka marrë fund.”

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

19°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI