Kryeministri Edi Rama ka ndryshuar profilin e tij personal në media sociale, duke vendosur si foto profili dhe cover imazhe me flamingo, në një moment kur në vend vijon prej 25 ditësh ajo që është quajtur “Revolucioni i Flamingove”.
Lëvizja simbolike e kryeministrit vjen në vijim të një debati të ndezur publik dhe politik mbi projektet në zonat e mbrojtura, veçanërisht në zonën e Nartë–Vjosës, si dhe pas rezolutës së fundit të Parlamentit Evropian për çështjet mjedisore në Shqipëri.
Por ndërkohë Marjana Koceku, ish-deputetja e PS-se ka nxituar të tallet me kryeministrin pas këtij veprimi të tij. Ajo ka postuar në Facebook një foto të një prej kullave të Tiranës, me komentin "mund t'ia sugjeroni per foto profili"
