Flash

Pas incidentit në banesë, Sabrina Carpenter merr mbrojtje ligjore

Lapsi.al 4 June 2026

Sabrina Carpenter po përballet me një situatë shqetësuese dhe të rrezikshme.

Këngëtarja e hitit “Espresso” ka marrë më 1 qershor një urdhër të përkohshëm mbrojtjeje kundër një burri që ajo pretendon se e ka ndjekur dhe ka tentuar të hyjë në shtëpinë e saj.

Sipas dokumenteve gjyqësore të siguruara nga E! News, 31-vjeçari William Applegate nuk lejohet t’i afrohet më shumë se 91 metra Carpenter-it, si dhe motrës së saj Sarah Carpenter dhe partnerit të saj George Smith, të cilët jetojnë me të në shtëpinë e saj në Hollywood Hills.

Urdhri i ndalon gjithashtu Applegate të afrohet pranë vendit të punës dhe automjetit të këngëtares.

Një seancë dëgjimore është caktuar për 17 qershor, kur urdhri i përkohshëm pritet të skadojë.

Carpenter kishte dorëzuar më herët një kërkesë për urdhër civil mbrojtjeje kundër Applegate më 29 maj në Gjykatën e Lartë të Los Anxhelosit, duke deklaruar se ai kishte tentuar të hynte në shtëpinë e saj më 23 maj.

Ajo shkroi në dokumente se sjellja e tij ishte “e qëllimshme, e planifikuar dhe agresive”, duke shtuar se ai kishte kaluar edhe gardhin e sigurisë dhe ishte afruar deri te dera e saj.

Sipas saj, ai kishte kapur dorezën e derës dhe kishte tentuar ta hapte me forcë, pa asnjë leje apo autorizim.

Më pas, sipas dokumenteve, ai kishte pretenduar para rojeve të sigurisë se e njihte këngëtaren dhe se ajo e priste, gjë që ajo e ka mohuar plotësisht.

Artistja tha gjithashtu se ai është kthyer disa herë pranë shtëpisë së saj edhe pas ndërhyrjes së policisë, duke shkaktuar frikë të vazhdueshme për sigurinë e saj dhe të familjarëve.

Ajo e përshkroi sjelljen e tij si një “fiksim të rrezikshëm dhe irracional” që i ka shkaktuar stres të rëndë emocional.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

19°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI