Autoritetet greke në Igumenicë kanë organizuar një operacion antidrogë i cili ka çuar në sekuestrimin e 109 kg marijuanë dhe vendosjen në pranga të tre personave të cilët dyshohen për trafikim të lëndëve narkotike. Droga qëndronte e fshehur në një automjet tip BMW i cili kishte hyrë në shtetin Grek ndërmjet kufirit të gjelbër me Shqipërinë.
Marijuana e fshehur në çanta sportive ndodhej brënda mjetit dhe raportohet se janë gjetur rreth 102 pako me rreth 109.4 kilogramë marijuanë. I arrestuar gjatë operacionit të zhvilluar mbeti edhe drejtuesi i automjetit i cili mendohet të ketë qenë një 43-vjeçar turk. Bashkepunëtorë në rrjetin e trafikimit kanë qënë edhe dy shtetas grekë të cilët mbetën të arrestuar në Athinë.
Në të njejtën kohë Policia Kufitare e Sarandës është njoftuar nga autoritetet greke pasi dyshohet se lënda narkotike ka kaluar nga territori shqiptar përmes zonë së Konispolit. Hetimet ende vazhdojnë për zbardhjen e mëtejshme të detajeve në lidhje me ngjarjen dhe për identifikimin e personave të tjerë të përfshirë në këtë aktivitet kriminal.
