Flash

Mashtronte të huajt me premtime për studime jashtë vendit, dërgohet në gjyq administratori i një kompanie

Lapsi.al 15 June 2026

Prokuroria pranë Gjykatës së Shkallës së Parë të Juridiksionit të Përgjithshëm Shkodër ka përfunduar hetimet dhe ka dërguar në gjyq shtetasin A.Th., i akuzuar për veprën penale të “Mashtrimit”, kryer më shumë se një herë.

Sipas organit të akuzës, nga hetimet e zhvilluara në kuadër të procedimit penal nr. 1751 të vitit 2024, rezulton se i pandehuri, në cilësinë e administratorit të një shoqërie tregtare që ushtronte aktivitet në fushën e trajnimeve dhe ndërmjetësimit për studime jashtë vendit, dyshohet se ka mashtruar në mënyrë të përsëritur disa shtetas të huaj.

Hetimet kanë dokumentuar se personat e dëmtuar kanë kryer pagesa për procedura aplikimi dhe programe studimi jashtë Shqipërisë, bazuar në premtimet e bëra nga kompania. Megjithatë, sipas Prokurorisë, shërbimet e premtuara nuk janë ofruar ose janë realizuar vetëm pjesërisht, duke u shkaktuar atyre dëm ekonomik.

Në përfundim të hetimeve, Prokuroria e Shkodrës ka vendosur dërgimin e çështjes për gjykim, ku do të shqyrtohen provat dhe pretendimet ndaj të pandehurit A.Th. për akuzën e mashtrimit të përsëritur.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

19°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI