Katy Perry ka folur hapur për marrëdhënien e saj me Justin Trudeau, duke e konfirmuar publikisht dashurinë për ish-kryeministrin kanadez gjatë një eventi në New York.
Çifti bëri debutimin e tyre të parë në tapetin e kuq në premierën e dokumentarit të turneut të këngëtares “Lifetimes Tour”, të mbajtur në kuadër të Festivalit Tribeca 2026.
Gjatë fjalimit të saj në event, Perry u shpreh se ndihet “shumë e dashuruar”, duke e quajtur Trudeau “dashurinë e jetës së saj”.
“Jam shumë e dashuruar. Në fakt, ky koncert ndodhi pasi unë takova dashurinë e jetës sime, dhe kjo më ka bërë të ndihem më e qetë dhe e mbështetur,” tha këngëtarja.
Ajo shtoi se partneri i saj i jep ndjesinë e stabilitetit në jetën personale, duke e përshkruar veten si dikush që shpesh “fluturon lart emocionalisht”, por që tani ndihet më e balancuar.
“Çdo ditë është një udhëtim i ri dhe një mundësi për t’u bërë një njeri më i mirë,” u shpreh Perry.
Këngëtarja gjithashtu ka eflektuar për periudhën e vështirë që ka kaluar para se të niste këtë lidhje, duke e cilësuar si një nga vitet më sfiduese të jetës së saj, por që e ka ndihmuar të forcohet si person.
