Katy Perry dhe ish-kryeministri kanadez Justin Trudeau kanë bërë debutimin e tyre të parë zyrtar si çift në tapetin e kuq, duke tërhequr vëmendjen e mediave dhe fansave.
Dyshja mori pjesë në premierën botërore të dokumentarit koncertor “Katy Perry: The Lifetimes Tour – Live from Paris”, e mbajtur në kuadër të Festivalit Tribeca 2026 në New York.
Këngëtarja 41-vjeçare u shfaq me një fustan të bardhë vintage nga Lanvin, ndërsa Trudeau, 54 vjeç, zgjodhi një kostum elegant për mbrëmjen. Të dy pozuan së bashku para fotografëve dhe u panë duke shkëmbyer buzëqeshje e momente të përzemërta gjatë eventit.
Thashethemet për një lidhje mes tyre nisën në korrik të vitit 2025, kur u panë së bashku në Montreal. Që atëherë, dyshja është fotografuar në disa dalje publike, ndërsa me kalimin e muajve marrëdhënia e tyre duket se është bërë gjithnjë e më serioze.
Sipas mediave amerikane, Perry dhe Trudeau kanë kaluar pushime së bashku, ndërsa së fundmi këngëtarja ka prezantuar vajzën e saj me fëmijët e ish-kryeministrit kanadez.
Burime pranë çiftit bëjnë të ditur se, pavarësisht angazhimeve të shumta profesionale, ata gjejnë gjithmonë kohë për njëri-tjetrin dhe vazhdojnë ta forcojnë marrëdhënien e tyre.
