Edhe pse lidhja e tyre ka marrë fund, Ethan Slater duket se vazhdon të mbështesë Ariana Grande.
Aktori ka tërhequr vëmendjen e fansave pasi ka pëlqyer një postim të këngëtares në Instagram, pikërisht në ditën kur u konfirmua se dy aktorlt e filmit “Wicked” i kanë dhënë fund lidhjes së tyre pas tre vitesh së bashku.
ethan slater likes girlfriends, ariana grande’s, recent instagram post ? pic.twitter.com/dVANkxa2dx
— laurenꕤ (@thgrandediary) June 8, 2026
Postimi i Ariana Grande përfshinte fotografi nga koncerti i parë i turneut të saj të ri “Eternal Sunshine”, i mbajtur në Oakland, Kaliforni. Krahas imazheve nga skena, këngëtarja falënderoi fansat për mbështetjen dhe pritjen e ngrohtë në rikthimin e saj në turne pas shtatë vitesh.
“Faleminderit nga zemra për gjithë dashurinë tuaj. Ju kam munguar shumë”, shkroi Grande.
Gjatë koncertit, artistja u emocionua teksa falënderoi publikun, ndërsa bëri edhe një referencë humoristike ndaj martesës së saj të dështuar me ish-bashkëshortin Dalton Gomez gjatë interpretimit të këngës “Thank U, Next”.
Ariana Grande dhe Ethan Slater u njohën në xhirimet e filmit “Wicked” në fund të vitit 2022. Lidhja e tyre u bë publike në vitin 2023 dhe që atëherë ka qenë shpesh në qendër të vëmendjes së mediave.
Sipas burimeve pranë çiftit, ata janë ndarë disa muaj më parë, por kanë ruajtur raportet miqësore dhe vazhdojnë të kenë respekt të madh për njëri-tjetrin.
“Ariana dhe Ethan e kuptuan se ishin më mirë si miq sesa në një lidhje romantike. Ata vazhdojnë të admirojnë dhe respektojnë njëri-tjetrin”, tha një burim për mediat amerikane.
Aktualisht, Grande është e fokusuar te turneu i saj “Eternal Sunshine” dhe publikimi i albumit të ri “Petal”, që pritet të dalë në korrik.
