Aktori Dylan Sprouse dhe modelja Barbara Palvin kanë konfirmuar se janë në pritje të fëmijës së tyre të parë.
Çifti ndau lajmin përmes një postimi të përbashkët në Instagram më 14 maj, duke publikuar disa foto nga paraqitja e tyre në Cannes Film Festival në Francë. Në imazhet e publikuara, Barbara shfaq barkun e rrumbullakosur, ndërsa dyshja pozon para kamerave.
[embed]https://www.instagram.com/p/DYU_RqXiDOS/?hl=en&img_index=1[/embed]
Lajmi vjen disa muaj pasi Barbara kishte folur publikisht për betejën e saj me endometriozën, një sëmundje që prek sistemin riprodhues dhe mund të ndikojë në fertilitet. Modelja kishte zbuluar se iu nënshtrua një operacioni në qershor 2025 dhe se gjendja e saj ishte përmirësuar ndjeshëm pas ndërhyrjes.
Në një intervistë të mëparshme, ajo kishte treguar se Dylan kishte qenë shumë mbështetës gjatë gjithë procesit të rikuperimit. Çifti u martua në vitin 2023 dhe prej vitesh konsiderohen një nga dyshet më të dashura të showbiz-it.
