Madonna, Shakira dhe grupi korean BTS janë shpallur artistët kryesorë të spektaklit të parë historik “halftime show” në finalen e FIFA World Cup 2026.
Lajmi u bë publik nga faqja zyrtare e FIFA World Cup në Instagram, ku u konfirmua se tre artistët do të performojnë më 19 korrik në stadiumin MetLife në New Jersey, gjatë finales së madhe të Botërorit 2026.
“Skena më e madhe në botë. Një qëllim edhe më i madh”, shkruhej në postimin zyrtar të FIFA-s.
Ky do të jetë spektakli i parë i këtij lloji në historinë e Kupës së Botës, duke sjellë një format të ngjashëm me “Super Bowl Halftime Show” në futbollin ndërkombëtar.
Gjithashtu është bërë e ditur se frontmeni i grupit Coldplay, Chris Martin, do të jetë kuratori artistik i spektaklit.
Sipas FIFA-s, eventi do të mbështesë edhe “FIFA Global Citizen Education Fund”, një iniciativë globale që synon të mbledhë 100 milionë dollarë për të ndihmuar fëmijët në mbarë botën me arsim cilësor dhe akses në futboll.
Organizatorët kanë njoftuar se nga çdo biletë e shitur për ndeshjet e Botërorit 2026, një dollar do të dhurohet për këtë fondacion.
Ndërkohë, artistë të tjerë si Tyla, Katy Perry, Future, J Balvin dhe Michael Bublé do të performojnë në ceremonitë hapëse të turneut.
Botërori 2026 do të organizohet nga United States, Mexico dhe Canada, ndërsa turneu nis më 11 qershor 2026.
