Emma Roberts dhe Evan Peters u rikthyen së bashku në skenë këtë javë, vite pasi aktorja ishte arrestuar për një incident të dyshuar dhune në familje ndaj tij në vitin 2013.
Dy ish-partnerët dhe bashkë-yjet e “American Horror Story” u shfaqën në eventin “Disney Advertising Upfront” në New York, ku prezantuan sezonin e 13-të të serialit të famshëm horror të Ryan Murphy. Në skenë ishin gjithashtu Sarah Paulson, Angela Bassett, Billie Lourd dhe Gabourey Sidibe.
Megjithëse u panë në të njëjtën skenë, fansat vunë re se dyshja ruante distancë gjatë prezantimit. Ky është projekti i parë ku ata do të punojnë sërish bashkë që nga viti 2018.
Historia e marrëdhënies së tyre ka qenë shpesh në qendër të mediave. Roberts dhe Peters nisën lidhjen në vitin 2012 pasi u njohën në xhirimet e filmit “Adult World”. Në vitin 2013, Emma u arrestua pas një incidenti në një hotel në Montreal, ku Peters thuhet se kishte pësuar lëndime të lehta. Aktori nuk ngriti akuza dhe çifti vazhdoi lidhjen edhe pas ngjarjes.
Një vit më vonë, Peters i propozoi për martesë Roberts, ndërsa dyshja vijoi të luante së bashku në disa sezone të “American Horror Story”. Ata u ndanë përfundimisht në vitin 2019 pas një lidhjeje të trazuar që zgjati rreth shtatë vite.
Sot, Emma Roberts është e fejuar me aktorin Cody John, ndërsa Evan Peters ka mbajtur jetën private larg vëmendjes së mediave.
