Lady Gaga ka anuluar koncertin e saj në Montreal, Kanada, për shkak të një infeksioni serioz respirator.
Artistja njoftoi përmes Instagram se nuk do të mund të performonte në koncertin e tretë dhe të fundit në sallën Bell Centre.
“Më vjen shumë keq t’ju njoftoj se nuk mund të performoj sonte dhe duhet ta anuloj koncertin,” shkroi ajo.
Lady Gaga shpjegoi se prej disa ditësh po lufton me një infeksion respirator, i cili është përkeqësuar.
“Mjeku më ka këshilluar të mos performoj. Të jem e sinqertë, nuk mund t’ju jap cilësinë e performancës që meritoni,” u shpreh ajo. Artistja shtoi se është thellësisht e zhgënjyer dhe e trishtuar që nuk mund të dalë në skenë për fansat.
“Jam me zemër të thyer dhe më vjen shumë keq për të gjithë ata që kishin planifikuar të vinin,” shkroi ajo.
Koncerti ishte pjesë e turneut të saj “Mayhem Ball”, i cili nisi pas publikimit të albumit të saj të fundit “Mayhem”.
Lady Gaga ka ende disa performanca të planifikuara, përfshirë dy në Saint Paul dhe një në Madison Square Garden.
Kjo nuk është hera e parë që artistja detyrohet të anulojë një koncert gjatë këtij turneu. Ajo anuloi edhe një performancë në Miami në vitin 2025 për shkak të problemeve me zërin, e cila më pas u riplanifikua.
