Shtëpia luksoze e Nicki Minaj në Los Angeles është bërë skenë e një incidenti shqetësues, pasi policia ndërhyri pas raportimeve për një person të paautorizuar në oborrin e saj.
Sipas TMZ, autoritetet morën një telefonatë të mërkurën në mëngjes për një person që kishte hyrë pa leje në pronën e këngëtares. Kamerat e sigurisë thuhet se kanë kapur një burrë duke lëvizur në pjesën e pasme të vilës.
Burime zyrtare konfirmuan se i dyshuari u arrestua në vendngjarje, ndërsa vetë Minaj nuk ndodhej në shtëpi në momentin e incidentit.
Autoritetet ende nuk kanë dhënë detaje se si arriti të hynte në pronë personi në fjalë, apo nëse do të përballet me akuza të tjera përveç hyrjes së paautorizuar.
Ky incident vjen në një kohë kur raste të ngjashme që përfshijnë figura publike janë shtuar. Vetëm pak javë më parë, shtëpia e Rihanna në Beverly Hills u qëllua me armë nga një e dyshuar, fatmirësisht pa të lënduar.
