Pas vitesh spekulimesh dhe thashethemesh nga fansat, Olivia Rodrigo ka reaguar më në fund për raportin e saj me Sabrina Carpenter, duke mohuar çdo rivalitet mes tyre.
Këngëtarja theksoi se tensioni i përfolur është ekzagjeruar nga publiku dhe mediat, ndërsa mes tyre ekziston respekt i ndërsjellë.
“Mendoj se ajo është fantastike. Jam shumë e lumtur për suksesin e saj. E dua albumin që ka publikuar”, u shpreh Rodrigo, duke shtuar: “Jo, jo, gjithçka është mirë. Njerëzit thjesht bëhen të çuditshëm dhe kërkojnë klikime – por ka vetëm dashuri. Kam folur me të shumë herë.”
Spekulimet nisën pas suksesit të madh të këngës " Drivers license" , e cila u interpretua nga fansat si e lidhur me aktorin Joshua Bassett dhe një histori të mundshme që përfshinte edhe Carpenter.
Situata u përforcua më tej kur Carpenter publikoi muzikë të re, që disa e panë si “përgjigje”, duke krijuar narrativën e një rivaliteti në rrjetet sociale. Megjithatë, asnjëra prej artisteve nuk e konfirmoi kurrë një konflikt të tillë.
