Justin Bieber ka ndarë së fundmi disa mesazhe personale në rrjetet sociale, duke folur hapur për gjendjen e tij emocionale dhe sfidat që po kalon.
Këngëtari 31-vjeçar pranoi se ndihet “një njeri i zakonshëm me të meta” dhe se ndonjëherë thotë apo bën gjëra që mund të lëndojnë të tjerët pa dashje. Ai theksoi se çdo ditë përpiqet të rritet dhe të mos jetë egoist, duke reflektuar mbi rëndësinë e dashurisë dhe faljes.
Në një tjetër postim, Bieber shprehu pasiguri të thella, duke thënë se ka frikë se mund të “ekspozohet” për dobësitë e tij dhe se ndonjëherë mendon që njerëzit mund të humbin besimin tek ai nëse ai është plotësisht i sinqertë. Megjithatë, ai shtoi se sa më i hapur të jetë për ndjenjat e tij, aq më shumë liri ndjen.
Këto deklarata vijnë në një periudhë kur fansat kanë shprehur shqetësim për mirëqenien e tij, mes postimeve të shumta enigmatike dhe spekulimeve për jetën personale, përfshirë marrëdhënien me bashkëshorten e tij, Hailey Bieber.
