Piloti i Formula 1, Lewis Hamilton, ka tërhequr vëmendje në rrjetet sociale pasi reagoi publikisht ndaj paraqitjes së Kim Kardashian në festën e Oscars 2026.
Hamilton komentoi në Instagramin e Kim me një emoji me sy zemre, duke vlerësuar dukjen e saj në mbrëmjen e organizuar nga Vanity Fair.
Në fotot e publikuara, Kardashian shfaqej me një fustan të artë vezullues nga Gucci, të kombinuar me taka të larta dhe një stil elegant flokësh. Ajo gjithashtu kishte zgjedhur lente kontakti blu, duke kompletuar një look që tërhoqi menjëherë vëmendjen e fansave.
Reagimi i Hamilton nuk kaloi pa u vënë re nga ndjekësit, të cilët nxituan të komentojnë, duke aluduar për një lidhje më të afërt mes tyre. Disa madje e cilësuan situatën si një “konfirmim” të marrëdhënies.
Zërat për një romancë mes Lewis Hamilton dhe Kim Kardashian nisën në shkurt, kur dyshja u panë së bashku gjatë një fundjave në Mbretërinë e Bashkuar. Më pas, ata u shfaqën edhe në Paris, duke shtuar spekulimet për një lidhje serioze.
Burime pranë çiftit kanë deklaruar se marrëdhënia e tyre ka nisur si miqësi dhe po zhvillohet në diçka më të fortë, duke lënë të hapur mundësinë për një të ardhme afatgjatë së bashku.
