Aktori Robert Pattinson ka ngritur dyshime se mund të jetë martuar në fshehtësi me partneren e tij prej vitesh, Suki Waterhouse.
Gjatë premierës në Los Angeles të filmit të tij të ri “The Drama”, ku ai luan përkrah Zendaya, aktori u pyet për sekretin më të madh që ka mbajtur ndonjëherë.
Kur erdhi radha e tij për t’u përgjigjur, Pattinson iu drejtua Zendaya-s dhe tha me buzëqeshje:
“Është i njëjti që ke edhe ti”, duke refuzuar të japë detaje të tjera – një koment që fansat e interpretuan si një “pranim” të mundshëm për martesë sekrete.
Pattinson dhe Waterhouse janë në një lidhje që nga viti 2018 dhe mirëpritën fëmijën e tyre të parë në mars 2024. Çifti ka preferuar gjithmonë të mbajë jetën private larg mediave.
Në fund të vitit 2023, Waterhouse ndezi thashethemet për fejesë pasi u shfaq me një unazë diamanti në Londër. Më vonë, burime pranë çiftit konfirmuan se ata ishin fejuar dhe se martesa ishte një hap i rëndësishëm për ta.
Ndërkohë, edhe Zendaya ka qenë në qendër të spekulimeve për një martesë të fshehtë me aktorin Tom Holland.
Gjatë të njëjtës premierë, fansat vunë re një unazë që ngjante me një unazë martese në dorën e saj.
