Aktorja e njohur nga “Stranger Things”, Maya Hawke, i ka dhënë fund beqarisë në Ditën e Shën Valentinit, duke u martuar me muzikantin Christian Lee Hutson në një ceremoni romantike në St. George’s Episcopal Church.
Dasma u zhvillua në Manhattan dhe u kthye në një event të mbushur me yje të Hollywood-it. Babai i Mayas, aktori i njohur Ethan Hawke e shoqëroi të bijën drejt altarit duke mbajtur një buqetë me lule të bardha. Edhe nëna e saj, Uma Thurman, tërhoqi vëmendjen me një fustan blu me motive florale. Maya është fëmija i parë i çiftit të njohur, i cili ishte i martuar nga viti 1998 deri në 2005.
Në dasmë morën pjesë disa prej kolegëve të saj nga seriali i suksesshëm i Stranger Things, përfshirë Finn Wolfhard, Joe Keery, Caleb McLaughlin, Gaten Matarazzo, Sadie Sink dhe Natalia Dyer. Gjithashtu të pranishëm ishin edhe aktorët Sam Nivola dhe Kathryn Newton.
Pas ceremonisë, çifti dhe të ftuarit u drejtuan për në pritjen e organizuar në The Players Members Club, ku festimet zgjatën për orë të tëra.
Maya, 27 vjeç, dhe Hutson, 35 vjeç, njiheshin prej katër vitesh përpara se lidhja e tyre të merrte një drejtim romantik. Ata konfirmuan publikisht marrëdhënien në prill 2025, gjatë premierës së shfaqjes në Broadway “John Proctor is the Villain”.
Çifti ka bashkëpunuar edhe në muzikë. Hutson ka kontribuar në albumet e Mayas, përfshirë “Moss” dhe “Chaos Angel” (2024), ndërsa ajo ka marrë pjesë në projektet muzikore të tij, si albumi “Paradise Pop. 10”.
