Jennifer Lawrence pendohet për komentet e saj të mëparshme rreth Kourtney Kardashian.
Gjatë një bisede me Amy Poehler në episodin e së martës të podcast-it “Good Hang”, aktorja pranoi se ndoshta duhet të tregohet më e përmbajtur gjatë intervistave për shtyp.
“I shoh citimet e mia dhe janë të çmendura,” theksoi Lawrence. “Si p.sh.: ‘Jennifer Lawrence e quan Kourtney Kardashian të bezdisshme.’”
Fituesja e çmimit Oscar iu referua titujve që u krijuan pasi ajo kishte bërë një koment thumbues për Kardashian gjatë testit me detektor gënjeshtrash për Vanity Fair në nëntor 2025.
“Në atë moment thashë se Kourtney është më e bezdisshme se kurrë. Më nxjerr nga vetja,” i kishte thënë Lawrence bashkë-yllit të saj në filmin Die My Love, Robert Pattinson.
Ajo shpjegoi se bezdia e saj lidhej me faktin që ylli i reality show-t dukej sikur po kritikonte motrën e saj, Khloé Kardashian, për faktin që ajo përpiqej të dukej mirë.
“Si p.sh.: ‘Jennifer Lawrence e quan Kourtney Kardashian të bezdisshme,’” kujtoi ajo, duke pranuar se ky ishte momenti që gjeneroi titujt mediatikë.
Pavarësisht komentit të mëparshëm, Lawrence ka krijuar një miqësi të fortë me familjen Kardashian, veçanërisht me Kris Jenner, e cila mori pjesë në dasmën e saj në Rhode Island në vitin 2019.
