Caitlyn Jenner ka vetëm fjalë të mira për Timothée Chalamet, partnerin e vajzës së saj, Kylie Jenner.
“Unë thjesht dua që vajza ime të jetë e lumtur, dhe ajo është. Kjo më mjafton,” tha ajo për Daily Mail, teksa po ecte në aeroportin LAX në Los Angeles.
Caitlyn nuk i kurseu komplimentet për aktorin 30-vjeçar, duke e përshkruar Chalamet si një “djalë të mrekullueshëm” dhe një “aktor fenomenal”. Jenner zbuloi gjithashtu se e ka parë filmin e tij më të ri, “Marty Supreme”, i cili aktualisht po shfaqet në kinema. “Është një djalë i mirë dhe sillet shumë mirë me Kylien,” shtoi ajo.
Deklaratat e sajr vijnë në një kohë kur marrëdhënia mes Kylie Jenner dhe Timothée Chalamet duket më serioze se kurrë. Sipas burimeve për Page Six, çifti bashkëjeton prej më shumë se një viti dhe është “praktikisht i martuar”.
Edhe Kris Jenner, nëna e Kylie-t, ka shprehur publikisht miratimin e saj. Ajo reagoi me entuziazëm në rrjetet sociale ndaj një postimi të nënës së Chalamet, Nicole Flender, pas fitores së aktorit në Critics Choice Awards 2026, ku ai falënderoi edhe partneren e tij gjatë fjalimit.
Burime pranë çiftit bëjnë me dije se aktori është bërë pjesë aktive e jetës familjare të Kylie-t dhe ka një marrëdhënie të mirë edhe me dy fëmijët e saj, Stormi (7 vjeçe) dhe Aire (3 vjeç), nga lidhja e mëparshme me Travis Scott.
