Flash

Berisha ultimatum Ramës nga Kavaja: Jep dorëheqjen, mos pengo hetimet

Lapsi.al 18 December 2025
Berisha ultimatum Ramës nga Kavaja: Jep dorëheqjen, mos pengo hetimet

Në ceremoninë e 35-vjetorit të themelimit të PD dega Kavajë, kryetari i PD, Sali Berisha, u bëri thirrje qytetarëve t’i bashkohen protestës kombëtare që do të organizohet të hënën më 22 dhjetor.

Berisha vlerësoi rolin e demokratëve të këtij qyteti në rrëzimin e regjimit komunist, dhe organizimin e lëvizjes antikomuniste, si ndër më të fuqishmet në Shqipëri në të cilën ra për të, për të mbetur i pavdekshëm heroi i parë i demokracisë shqiptare, Josif Buda.

“Ishit ju, qytetarët e Kavajës, që u bëtë mburojë dhe tmerr! Mburojë për forcat demokratike në Tiranë dhe tmerr për reaksionin që kishte, që kishte rrëmbyer armët kur u shemb monumenti i Enver Hoxhës dhe donin të ktheheshin në Tiranë me armë. S’guxonin. Nuk guxonin. Vetëm e vetëm se ishte Kavaja. Ishte postblloku i lirisë”, tha Berisha.

Më tej, ai i ka dhënë ultimatum Ramës që të mos pengojë drejtësinë që të hetojë hajdutët e qeverisë.

"Kam zgjedhur Kavajën ti jap ultimatum mos guxo, të mbrosh me votat e rrëmbyera hajdutët e qeverisë, sepse ne që në vitet 90 u ngritëm me një motiv të shenjtë për të mbrojtur lirinë, përsëri jemi në këmbë, përsëri jemi të gatshëm me motivin ja të vdesim ja të rrojmë për liri.

Ndaj dhe nga Kavaja i bëj thirrje mos pengo drejtësinë largohu nga pushteti. Je sjellë ndaj shqiptarëve si armiku më i egër në tërë historinë e tyre. Asnjë regjim nuk ka përzënë në 10 vite 1 mln e 100 shqiptarë vetëm në Shengen”, tha Berisha.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

20°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI