Flash

4 të arrestuar në Tiranë, zbardhen akuzat

Lapsi.al 13 December 2025
4 të arrestuar në Tiranë, zbardhen akuzat

Policia e Tiranës ka arrestuar katër persona të shpallur në kërkim për vepra të ndryshme penale.

Konkretisht, u arrestuan shtetasit Jetmir Pepaj, Adion Kuka, Alban Hajdini dhe Genti Hoxha.

“Efektivët e Komisariatit Nr. 2 kapën dhe ndaluan shtetasin Jetmir Pepaj, 33 vjeç, banues në Tiranë, pasi Prokuroria ka lëshuar urdhër ndalimi për të, për veprat penale “Dhuna në familje” dhe “Prodhimi dhe mbajtja pa leje e armëve, armëve shpërthyese dhe municionit”.

Efektivët e Komisariatit Nr. 4, në bashkëpunim me Komisariatin Nr. 2, kapën dhe ndaluan shtetasin Adion Kuka, 36 vjeç. Ky shtetas është dënuar nga Gjykata e Tiranës me 3 vjet e 4 muaj burgim për veprën penale “Plagosja e rëndë me dashje”; me 10 muaj burgim për veprat penale “Shkelja e rregullave të qarkullimit rrugor” dhe “Largimi nga vendi i aksidentit”; si dhe ndaj tij është caktuar masa e sigurisë “Arrest në burg” për veprën penale “Përndjekja”.

Efektivët e Komisariatit Nr. 4, në bashkëpunim me shërbimet e Komisariatit të Policisë Rrugore, kapën dhe ndaluan shtetasin A. H., 42 vjeç, pasi Gjykata e Tiranës e ka dënuar me 3 muaj burgim për veprën penale “Vjedhja”.

Efektivët e Komisariatit Nr. 4 kapën shtetasin G. H., 41 vjeç. Nga dënimi me 5 vjet burgim, i dhënë nga Gjykata e Apelit Gjirokastër për veprën penale “Ndihma për kalim të paligjshëm të kufijve”, këtij shtetasi i kanë mbetur për të vuajtur 11 muaj e 21 ditë burgim. Veprimet e tjera procedurale për këtë shtetas do të kryhen nga DVP Gjirokastër.

Arrestimi i tyre u bë në kuadër të operacionit të koduar “Catch”, për kapjen e shtetasve të shpallur në kërkim, të dënuar ose të akuzuar për vepra të ndryshme penale”, njofton Policia e Tiranës.

Të këshilluara

Ndahet nga jeta ish-prefekti i Fierit

Baki Bala, ish-prefekt i qarkut të Fierit, është ndarë këtë të shtunë nga jeta pas një beteje të vështirë me një sëmundje të rrallë. Familja ka dhënë lajmin e t...

10:57

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

17°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI