Flash

Humb jetën 18-vjeçari shqiptar në Itali/ Skuteri i tij u përplas nga një makinë

Lapsi.al 28 November 2025
Humb jetën 18-vjeçari shqiptar në Itali/ Skuteri i tij u

Një aksident i rëndë rrugor ka ndodhur pasditen e së enjtes në Sorbolo të Parmës në Itali. Për pasojë ka humbur jetën 18-vjeçari me origjinë shqiptare Francesco Ajdini, banues në Praticello di Gattatico.

Sipas mediave italiane, një automjet tip një Fiat që po kthehej majtas është përplasur me skuterin 125 cc që drejtonte i riu. Përplasja ka qenë tepër e fortë dhe megjithëse Francesco mbante kaskë në kokë, ai është rrëzuar me forcë në asfalt.

Në vendngjarje mbërritën menjëherë ekipet e emergjencës dhe autoambulanca. Në fluturim u ngrit edhe helikopteri i emergjencës. Mjekët kryen përpjekje të shumta, por plagët e marra ishin tepër të rënda dhe i riu ndërroi jetë pak pas aksidentit.

Francesco kishte mbushur 18 vjeç vetëm më 18 gusht. Ai jetonte me prindërit dhe motrën e tij më të madhe. Kryetari i bashkisë, Daniele Finucci – i cili e njihte familjen edhe si mjeku i tyre – shprehën ngushëllime: “Një familje e ndershme dhe punëtore, ashtu si edhe Francesco. Jam i tronditur dhe u shpreh ngushëllimet më të sinqerta në emër të komunës.”

Në rrjetet sociale, në profilin e babait të viktimës, Flamur Ajdini, ende qëndrojnë fotot e festës së 18-vjetorit: Francesco duke kërcyer me shokët e tij, duke buzëqeshur pranë tortës blu dhe të rrethuar nga familjarët. Nga autoritetet pritet të kryhen hetime shtesë për të përcaktuar me saktësi shkakun dhe përgjegjësinë e përplasjes.

Fatkeqësisht, kjo nuk është tragjedia e parë që godet familjen Ajdini. Në vitin 2004, vajza e tyre 2-vjeçare, Sara, humbi jetën po në një aksident rrugor. /LAPSI.al

Të këshilluara

The Guardian: Nekrologji për Fatos Nanon

The Guardian i ka kushtuar këtë të premte, më 28 nëntor, një nekrologji Fatos Nanos, duke e përshkruar atë si një figurë kyçe të politikës shqiptare gjatë një p...

19:39

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

17°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI