Flash

2 milionë dollarë për një show: shifra që kërkoi JLo në dasmë

Lapsi.al 25 November 2025
2 milionë dollarë për një show: shifra që kërkoi

Jennifer Lopez, e njohur për performancat e saj spektakolare në skena botërore – përfshirë Super Bowlin – këtë herë ka shkëlqyer në një nga dasmat më luksoze të vitit. Miliarderët indianë, Vamsi Gadiraju dhe Netra Mantena, vendosën se këngëtarja duhej të ishte patjetër pjesë e festës së tyre, pavarësisht çmimit.

Dyshja pagoi plot 2 milionë dollarë që Lopez të performonte disa nga hitet e saj më të mëdha në dasmën e tyre shumëditore. Këngëtarja mahniti të ftuarit me disa ndërrime veshjesh, performanca  dhe një urim të ngrohtë për çiftin.

“Qofshin këto dy familje të bashkuara në këtë ditë të bukur dhe Zoti na bekoftë të gjithëve,” tha JLo me një gotë në dorë. Madje, në një moment, edhe vetë dhëndri dhe nusja u ngjitën në skenë për të kënduar me të.

Dasma u zhvillua në Udaipur, në veriperëndim të Indisë, dhe zgjati katër ditë, ku dita e parë u hap me një tjetër superyll ndërkombëtar: DJ Tiesto.

Në programin artistik morën pjesë edhe emra të njohur të Bollywood-it, si Dia Mirza, Amyra Dastur dhe Sophie Choudry. Ndër të ftuarit VIP ishte edhe Donald Trump Jr., së bashku me partneren e tij Bettina Anderson.

Edhe pse emrat e tyre nuk janë shumë të njohur globalisht, Vamsi Gadiraju dhe Netra Mantena janë ndër njerëzit më të pasur në Indi. Vamsi Gadiraju është i lidhur me industrinë e teknologjisë dhe shërbimeve të shpërndarjes së ushqimit, madje ka figuruar edhe në listën e Forbes. Netra Mantena është pjesë e industrisë farmaceutike dhe vjen nga një familje e fuqishme biznesi.

 

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

17°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI