Billy Bob Thornton ka vendosur të sqarojë një nga mitet më të përfolura të marrëdhënies së tij me Angelina Jolie. Aktori 70-vjeçar, në një intervistë të re për Rolling Stone, foli për herë të parë në detaje rreth pretendimit se ai dhe ish-bashkëshortja mbanin “shishe të vogla me gjakun e njëri-tjetrit”.
“Ne kishim thjesht nga një varëse të vogël, me një pikë gjaku brenda,” tha Thornton. “Ishte një gjë romantike, kaq. Por me kalimin e kohës, njerëzit na kthyen në vampirë që jetonim në bodrum e pinim gjakun e njëri-tjetrit.”
Megjithë imazhin e krijuar në publik, Thornton theksoi se marrëdhënia e tyre u mbyll pa dramë dhe me mirëkuptim.
“Angelina dhe unë kaluam një periudhë fantastike së bashku. Ishte një nga kohët më të bukura të jetës sime,” tha ai. “U ndamë sepse thjesht kishim stile jete shumë të ndryshme.”
Jolie dhe Thornton u njohën gjatë xhirimeve të filmit Pushing Tin në vitin 1999 dhe u martuan një vit më vonë në Las Vegas, menjëherë pasi Thornton ndërpreu fejesën me Laura Dern. Në vitin 2002, ata njoftuan se po adoptonin djalin e tyre, Maddox, nga Kamboxhia. Çifti u martua për rreth dy vite dhe u divorcua në vitin 2003.
