Offset shkaktoi bujë në rrjetet sociale pasi publikoi — dhe më pas fshiu — një mesazh në Instagram lidhur me bebin e porsalindur të ish-bashkëshortes së tij, Cardi B, dhe futbollistit të NFL, Stefon Diggs.
Sipas pamjeve të publikuara online, reperi i Migos, Kiari Cephus (Offset), shkroi në Instastory: “Fëmija im lol,” pak pasi u përhap lajmi se Cardi B kishte sjellë në jetë një djalë me Diggs.
Cardi, emri i vërtetë i së cilës është Belcalis Almánzar, iu përgjigj në X (ish-Twitter) me disa postime të cilat më vonë i fshiu. Ajo u shpreh se është e lodhur nga “ngacmimet” që pretendon se vazhdojnë prej më shumë se një viti:
“Ju mendoni se është qesharake, por nuk është… për më shumë se një vit po ngacmohem dhe kërcënohem aq shumë sa ndihem sikur jeta ime është në rrezik… Është argëtim vetëm derisa të jetë shumë vonë,” shkroi ajo. Cardi shtoi se ka ruajtur “çdo provë” dhe paralajmëroi se situata mund të përshkallëzohet shpejt nëse ngacmimet vazhdojnë.
Në një tjetër dalje në X Spaces, artistja tha: “Jam e lodhur nga ngacmimet. Kur më shkruhet privatisht dhe unë e injoroj, atëherë fillon ngacmimi publik… Nuk mund ta duroj më.”
Në gusht të vitit të kaluar, Cardi B kërkoi divorcin nga Offset për herë të dytë, pas gati shtatë vitesh martesë. Çifti ndan tre fëmijë: Kulture (7), Wave (4) dhe Blossom (1). Offset është gjithashtu baba i tre fëmijëve të tjerë nga lidhje të mëparshme.
Që nga ndarja, Cardi e ka akuzuar publikisht Offset se është nuk është prezent në jetën e fëmijëve, duke thënë se ajo mbulon shumicën e shpenzimeve të larta për fëmijët e tyre. Vetëm pak ditë më parë, Cardi B mirëpriti një djalë me futbollistin e New England Patriots, Stefon Diggs, me të cilin konfirmoi lidhjen në maj.
