Flash

Zbulohet misteri/ Çfarë i tha djali i Trump në vesh Biden para se të largohej

Lapsi.al 17 November 2025
Zbulohet misteri/ Çfarë i tha djali i Trump në vesh Biden para

Një nga misteret që pasoi ceremoninë e inaugurimit të Donald Trump për mandatin e tij të dytë si President i SHBA-ve, ishte momenti kur djali më i vogël i manjatit amerikan, Barron iu afrua dhe i pëshpëriti diçka në vesh Presidentit në largim Joe Biden.

Epo, duket se edhe ky mister është zbardhur!

Ka qenë Eric Trump ai që zbuloi se çfarë i tha vëllai i tij më i vogël Presidentit të atëhershëm në largim të SHBA-së. Kujtojmë se studenti i atëhershëm 19-vjeçar i ishte afruar Bidenit gjatë ceremonisë dhe i kishte shtrënguar duart atij dhe zëvendëspresidentes në largim, Kamala Harris, në Rotondën e Kapitolit.

Teksa shtrëngonte duart me Bidenin, ai u përkul dhe i pëshpëriti diçka në vesh presidentit në largim. Mediat sociale shpërthyen në atë kohë, ku shumë njerëz pyesnin se çfarë tha ai, dhe të tjerë që besonin se Barron shfrytëzoi momentin për të pëshpëritur diçka "shumë të keqe në veshin e Bidenit".

Gjatë një interviste në “The Megyn Kelly Show”, Eric Trump tha: “E mbani mend të gjithë atë skenë kur Barron iu afrua Bidenit dhe media kishte gjithë ata ekspertë të leximit të buzëve që e analizuan atë. Ata thoshin: “Barron sapo i tha Bidenit të q*hej…”.

“Një natë… e telefonova Baronin dhe i them: “Vëlla, çfarë i the vërtet?” Dhe ai më tha se ishte aq e sjellshme sa nuk mund ta shpreh me fjalë. Ishte diçka: “Urime dhe fat të mbarë” ose diçka e tillë.”

Eric tha se Baron nuk është nga ata që shkaktojnë polemika. “Ai nuk e ka brenda vetes. Ai është djalë i mirë. Mund ta mendojë, mund ta ketë në kokë, por është shumë i sjellshëm për ta thënë me zë të lartë. Barroni është me të vërtetë një djalë shumë i mirë” – tha ai për vëllain e tij.

Gjatë atij momenti Biden kishte një buzëqeshje në fytyrë, e cila u zëvendësua nga një shprehje më serioze pas kontaktit të tyre të shkurtër. Barron u quajt një "zotëri i vërtetë" për shtrëngimin e duarve me Biden dhe Harris në atë kohë. Gjesti i paqes i bëri gjithashtu përdoruesit e mediave sociale të thoshin se Barron po rritej siç duhet nga nëna e tij Melania. ©LAPSI.al

Të këshilluara

Bedri Hamza zgjidhet kryetar i PDK-së

Bedri Hamza u zgjodh kryetar i ri i Partisë Demokratike të Kosovës, gjatë Konventës së mbajtur të kësaj partie pasditen e 17 nëntorit. Hamza u zgjodh përmes vot...

18:31

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

17°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI