Këngëtarja e hitit “All About That Bass”, Meghan Trainor, mahniti të pranishmit në “Baby2Baby Gala 2025” në Los Angeles, ku u shfaq me një fustan nga Alin Le Kal.
Pamja e saj e re shkaktoi reagime të shumta në rrjete sociale. “Kush është kjo? Seriozisht?”, shkroi një përdorues në X (ish-Twitter), ndërsa një tjetër komentoi me humor: “Meghan shkoi te trajneri.”
Megjithatë, pati edhe nga ata që e kritikuan, duke kujtuar tekstet e saj të dikurshme për pranimin e trupit. “E njëjta grua që tha ‘I won’t be no stick figure silicone Barbie doll’”, shkroi një komentues.
Në fillim të këtij viti, fituesja e “Grammy” zbuloi se kishte bërë implant dhe ngritje gjoksi pas lindjes së dy fëmijëve dhe humbjes në peshë. Ajo pranoi gjithashtu se po përdorte ilaçin Mounjaro — një medikament për diabet që është bërë i njohur për efektet në humbjen e peshës — së bashku me bashkëshortin e saj, aktorin Daryl Sabara.
“Kam punuar me një dietologe, kam ndryshuar mënyrën e jetesës, kam filluar të stërvitem rregullisht dhe, po, kam përdorur edhe ndihmën e shkencës,” tha ajo në Instagram.
