Flash

Kristen Stewart shpërthen ndaj pabarazisë në Hollywood:

Lapsi.al 5 November 2025
Kristen Stewart shpërthen ndaj pabarazisë në Hollywood:

Aktorja dhe regjisorja Kristen Stewart nuk u përmbajt gjatë fjalimit të saj kryesor në “Academy & Chanel Women’s Luncheon 2025”, mbajtur të martën, më 4 nëntor në Los Anxhelos.

Aktorja, e cila do të debutojë si regjisore me filmin “Chronology of Water” në dhjetor, foli hapur për pengesat që gratë kineaste vazhdojnë të përballen në Hollywood.

“Pas lëvizjes Me Too, u duk sikur historitë e treguara nga gratë do të merrnin më në fund vëmendjen që meritojnë, se do të na lejohej të shprehnim përvojat tona pa filtra,” tha Stewart përpara një audience që përfshinte emra si Kate Hudson, Julia Louis-Dreyfus, Riley Keough, Felicity Jones, Tessa Thompson, Alicia Silverstone, Barbie Ferreira, dhe regjisorja Patty Jenkins.

Por, me projektin e saj të parë të madh si regjisore tashmë të përfunduar, ajo shtoi me zhgënjim:


“E kam provuar vetë sa e vështirë është të krijosh çdo kornizë të një filmi kur përmbajtja shihet si ‘shumë e errët’ apo ‘shumë tabu’. Realitetet e grave shpesh shkaktojnë neveri apo refuzim.”

Më pas, ajo foli me zemërim për pabarazinë gjinore që sipas saj po “mbyt” industrinë e filmit.
“Mund të flasim për hendekun e pagave apo taksat për produktet menstruale, por dhuna e vërtetë është heshtja. Na bëjnë të ndjejmë sikur nuk duhet të jemi të zemëruara. Por unë mund ta ha këtë podium me pirun dhe thikë nga inati,” u shpreh ajo.

Stewart theksoi se gratë kanë të drejtë të tregojnë historitë e tyre, duke përmendur se mundësitë për ta bërë këtë janë gjithnjë e më të pakta.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

18°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI