Reperi i njohur Lil Nas X, emri i vërtetë Montero Hill, është vënë nën akuzë për katër krime të rënda pasi dyshohet se ka sulmuar dhe plagosur disa oficerë policie gjatë arrestimit të tij në Los Angeles të enjten e kaluar.
Sipas burimeve të TMZ, ylli i hitit "Old Town Road" akuzohet për: sulm me lëndim ndaj një oficeri policie, kundërshtim të një oficeri ekzekutiv dhhe dy akuza të tjera të rënda të lidhura me dhunën gjatë arrestimit.
Ngjarja ndodhi në Ventura Blvd., në San Fernando Valley, ku Hill u pa duke ecur vetëm me një palë të brendshme dhe çizme kauboji. Kur oficerët u përpoqën ta ndalonin, ai sulmoi brutalisht të paktën tre prej tyre, madje thuhet se goditi një prej tyre dy herë në fytyrë.
Pas incidentit, Hill u arrestua dhe më pas u dërgua në spital për një mbidozë të dyshuar, sipas burimeve. Ai më pas u mbajt në paraburgim gjatë fundjavës dhe u paraqit para gjykatës të hënën në mëngjes së bashku me avokaten e tij, Christy O’Connor.
Kjo ngjarje vjen vetëm disa muaj pasi Lil Nas X kishte folur publikisht për vështirësitë që kishte përjetuar në vitet e fundit. Në një video mesazh në shkurt, ai kishte rrëfyer:
"Tani po arrij në një pikë ku ndjej besim tek vetja dhe ajo që po bëj, dhe po përpiqem të sigurohem që t’i jap qëllim muzikës sime, vizionit dhe gjithë kreativitetit tim.”
