Aktorja e njohur e Game of Thrones, Sophie Turner, ka pranuar se është fajtore për një nga sjelljet më toksike në lidhje – ghosting.
Gjatë rubrikës “Thirst Tweets” për BuzzFeed, një fans shkroi: “Do të doja që Sophie të më thyente si vezë dhe të më bënte ghost pas.”
Turner, 29 vjeç, pranoi e qeshur: “Kjo është diçka që e bëj gjithë kohës. Jam një ‘ghost-er’ e madhe, gjë për të cilën nuk jam krenare… Por më jep një ndjenjë fuqie. Duhet ta punoj këtë në terapi.”
Fansat vunë re se pavarësisht deklaratave të saj, çdo personazh që ajo ka luajtur ka transmetuar një energji dominuese. Sophie e pranoi këtë si kompliment:
“Më pëlqen që jap këtë energji. Ky është edhe magjia e aktrimit – të të çojë në vende ku nuk ke qenë kurrë.”
Rrëfimet e saj të guximshme vijnë pak kohë pasi Sophie duket se është ribashkuar me partnerin Peregrine Pearson, pas një ndarjeje të shkurtër.
Dyshja u fotografuan duke u përqafuar dhe puthur në festivalin Glastonbury në qershor.
Historia e tyre e dashurisë nisi në tetor 2023, vetëm një muaj pasi ish-bashkëshorti i saj, Joe Jonas, paraqiti kërkesën për divorc.
Divorci mes saj dhe këngëtarit u finalizua në shtator 2024 dhe, sipas raportimeve, dyshja tani kanë marrëdhënie të mira si bashkëprindër.
