Kimi mes Austin Butler dhe Zoë Kravitz duket se po vazhdon edhe jashtë ekranit.
Bashkëprotagonistët e filmit “Caught Stealing” ndezën thashethemet për romancë gjatë premierës së filmit në Paris të enjten, ndërsa pozonin në tapetin e kuq.
Kravitz, 36 vjeç, dhe Butler, 34, buzëqeshën teksa ndanë një moment së bashku, duke u dukur plotësisht rehat me njëri-tjetrin.
Dyshja ka qenë në qendër të vëmendjes për shkak të ndërveprimeve të tyre. Të martën, aktori i nominuar për Oscar u bë kryefjalë në Londër kur “shpëtoi” Kravitz nga një bletë gjatë premierës së filmit.
Në film, Butler luan rolin e Hank, një ish-yll bejsbolli i kthyer në banakier që futet në botën kriminale të Nju Jorkut të viteve ’90. Kravitz interpreton Yvonne, dashurën e tij.
Lajmet për një romancë nisën muajin e kaluar, kur të dy u panë bashkë në një shfaqje teatrale imersive në Nju Jork.
Një burim pranë tyre megjithatë ka treguar se lidhja e mundshme është “asgjë serioze”, duke shtuar se pas ndarjes nga Channing Tatum në tetor 2024, Zoë po kërkon më shumë argëtim dhe shoqëri.
Nga ana tjetër, Butler i cili u nda në fund të vitit 2024 nga modelja Kaia Gerber pas tre vitesh lidhjeje, duket se nuk e ka problem vëmendjen që marrëdhënia me Kravitz po tërheq në Hollywood.
“Janë ‘it girl’ dhe ‘it guy’ i momentit. Çdokush do t’i shihte me interes bashkë,” – tha burimi për Page Six.
