Harry Styles ka ndezur thashetheme të reja për një lidhje romantike me aktoren Zoë Kravitz, pasi një video e tyre duke shëtitur së bashku në Romë është bërë virale në rrjetet sociale.
Të dielën, dyshja u pa duke ecur krah për krah, përqafuar në mënyrë të afërt, nga një fanse që i filmoi dhe postoi pamjet në TikTok.
Në përshkrimin e videos, e përkthyer nga portugalishtja, fansja shkruante: “Kur takon Harry Styles dhe Zoë Kravitz në Romë.”
Ajo gjithashtu tregoi se i kishte kërkuar një foto këngëtarit, por ai kishte thënë se ishte “offline”, ndonëse ishte shumë i sjellshëm dhe i mbajti dorën.
Kjo shëtitje vjen në një moment kur Kravitz përflitet gjithashtu për një lidhje të mundshme me aktorin Austin Butler, me të cilin po promovon filmin e ri “Caught Stealing”.
Ata janë parë në dalje të ndryshme publike në Paris dhe Londër, madje janë fotografuar edhe duke u përqafuar në një bar në Paris javën e kaluar.
Reagimet në rrjetet sociale kanë qenë të shumta – disa ndjekës i quajtën “shumë të bukur së bashku”, ndërsa të tjerë kritikuan Kravitz për faktin se është mike me Taylor Swift, ish-të dashurën e Styles.
“Ajo është shoqe e Taylor-it dhe ai është ish-i saj, më duket shumë e çuditshme,” shkroi një përdorues në X (ish-Twitter).
Zoë Kravitz ishte më parë e fejuar me aktorin Channing Tatum, me të cilin u nda në vitin 2024. Ajo ka qenë edhe e martuar me aktorin Karl Glusman për një vit.
Ndërsa Styles u nda nga aktorja Taylor Russell në vitin 2024 dhe këtë verë u përfol për një lidhje tjetër pas një videoje duke u puthur me një grua misterioze në Festivalin e Glastonbury.
