13 persona kanë vdekur në kontenë Kerr në shtetin amerikan të Teksasit pasi moti i keq dhe përmbytjet goditën disa pjesë të vendit. Shumë njerëz të tjerë janë të zhdukur në një kamp veror ku mungojnë rreth 20 fëmijë.
“Brenda 45 minutash, lumi Guadalupe u rrit 26 metra dhe ishte një përmbytje shkatërruese duke marrë përpara prona dhe për fat të keq edhe jetë njerëzish" - tha zv.Guvernatori Dan Patrick në një konferencë për shtyp.
Në kamp merrnin pjesë rreth 700 fëmijë tha ai duke shtuar se kishte pasur një "nivel katastrofik" përmbytjesh. Ai informoi prindërit se nëse nuk janë kontaktuar nga autoritete, fëmija i tyre është gjallë.
“Kjo nuk do të thotë që fëmijët e zhdukur janë të humbur. Ata mund të jenë jashtë komunikimit" - shtoi zëvendësguvernatori, i cili është guvernator në detyrë pasi Guvernatori Greg Abbott është me pushime. ©LAPSI.al
