Dua Lipa më në fund ka konfirmuar fejesën e saj me aktorin britanik Callum Turner. Këngëtarja e bëri të ditur lajmin në një intervistë për British Vogue, e cila u zhvillua në prill por u publikua këtë të enjte.
“Po, jemi të fejuar,” u shpreh ajo me entuziazëm. “Është diçka shumë emocionuese.”
Dua rrëfeu se unaza e fejesës u dizajnua nga vetë Callum, i cili ishte konsultuar me motrën dhe mikeshat e saj më të ngushta për të krijuar diçka që do e përfaqësonte plotësisht.
“Jam e fiksuar pas saj. Është aq unike, aq unë. Më pëlqen fakti që personi me të cilin do të kaloj jetën më njeh kaq mirë,” shtoi ajo.
Edhe pse e lumtur për fejesën, Lipa sqaroi se nuk kanë planifikuar ende dasmën, pasi dëshiron të përfundojë turneun e saj “Radical Optimism” që përfundon në dhjetor.
“Callum është duke xhiruar dhe thjesht po e shijojmë këtë periudhë,” tha ajo. “Nuk kam qenë kurrë një vajzë që ëndërron për dasmën. Tani papritur pyes veten, ‘Çfarë do të vesh?’”
Ajo shtoi se pavarësisht se ka parë shumë njerëz që fejohen, kurrë nuk e kishte kuptuar thellësinë e kësaj zgjedhjeje.
“Vendimi për të plakuar bashkë, për të ndarë një jetë, për të qenë shokë të ngushtë përgjithmonë – është një ndjenjë e veçantë.”
Spekulimet për fejesën nisën që në dhjetor 2024, ndërsa lidhja u konfirmua nga Page Six në janar 2024, pasi çifti u pa duke kërcyer në një afterparty në Los Angeles.
“Dua dhe Callum janë të dashuruar dhe e dinë që kjo është përgjithmonë,” tha një burim për The Sun.
“Familjarët dhe miqtë e tyre janë shumë të lumtur për ta. Ishte një Krishtlindje e mrekullueshme.”
