Justin Timberlake është bërë viral në rrjetet sociale pasi një video e tij gjatë një koncerti në turneun “Forget Tomorrow World Tour” ka shkaktuar reagime tallëse nga fansat.
Këngëtari, i cili aktualisht është në pjesën evropiane të turneut të tij, u kap në kamera duke bërë lëvizje që shumë i përshkruan si “të çuditshme” dhe “të sikletshme”.
Në videon e shpërndarë në TikTok nga një fans që ishte në koncert, Timberlake shihet duke u rrotulluar rreth një qëndruesi mikrofoni të fiksuar në skenë, duke lëvizur duart në ajër në një mënyrë të pazakontë dhe pothuajse duke rrëshqitur në një moment.
“E dua JT si çdo vajzë e fiksuar pas boyband-eve, por kjo është vërtet komike,” shkroi fansja që postoi videon. Një ndjekës shkroi: “Disa artistë duhet të dinë kur të tërhiqen.” Një tjetër shtoi: “Nuk e njoha fare, mendova se ishte ndonjë konkurrent në një emision talentesh.”
