Flash

Chris Evans zbulon detaje nga propozimi romantik për Alba Baptista

Lapsi.al 8 June 2025
Chris Evans zbulon detaje nga propozimi romantik për Alba Baptista

Chris Evans gati sa nuk “e nxori sekretin” para se t’i propozonte për martesë partneres së tij, Alba Baptista!

Në një intervistë të re, aktori i filmit Materialists, 43 vjeç, ndau disa detaje nga momenti i propozimit për Baptista-n – me të cilën u martua në shtator 2023 në një ceremoni private në një rezidencë në Massachusetts – dhe tregoi se si praktikimi i tepërt pothuajse i prishi surprizën.

Duke folur për The Knot në premierën e filmit Materialists nga A24 në New York më 7 qershor, Evans zbuloi se i propozoi Alba Baptista-s në gjuhën portugeze, duke mësuar pak vetëm për këtë rast të veçantë.

"Ndoshta nuk duhet ta them këtë," tha Evans. "I propozo­va gruas sime në portugalisht – ajo është portugeze. Kështu që mësova si të thoja: 'Do të martohesh me mua?' në portugalisht. Dhe e kisha praktikuar gjatë gjithë javës."

"E kisha praktikuar aq shumë sa, ndërsa ishim bashkë, ndonjëherë gjatë përgatitjes së mëngjesit, pothuajse më dilte nga goja pa dashje, dhe mendoja: 'Oh Zot', – shtoi ai duke qeshur. "Kjo nuk është thjesht një këngë që më ka mbetur në kokë – do ta zbuloj surprizën!"

Evans pranoi se ishte "shumë nervoz" kur erdhi momenti për t’i bërë pyetjen e madhe partneres së tij.

"Mendoj se e kam prishur pak," u shpreh aktori me humor, "por ende e mbaj mend si thuhet!"

Chris Evans dhe Alba Baptista u lidhën publikisht për herë të parë në nëntor 2022, kur një burim i tha revistës People se ata kishin qenë bashkë për një vit dhe marrëdhënia e tyre ishte “serioze”. Çifti, i cili ruan privatësinë, bëri debutimin në tapetin e kuq në Oscar Party të Vanity Fair në vitin 2024.

Regjisori Jimmy Warden, i cili punoi me Baptista-n në filmin e saj të ri Borderline, foli për çiftin në mars, kur ai dhe gruaja e tij, aktorja Samara Weaving, ndanë se kishin dalë në një takim  me Evans dhe Baptista.

"Ndonjëherë takon njerëz dhe e kupton se nuk ka qenë ndonjë ‘nxitje’ apo përpjekje për t’i lidhur," tha Warden. "Thjesht e kupton: këta njerëz janë të duhur për njëri-tjetrin."

"Ai është gjithashtu njeriu më i sjellshëm," shtoi regjisori për Evans. "Dhe padyshim më cool-i – është vetë Captain America!"

 

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

13°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI