Në të gjitha Komisionet Zonale të Administrimit Zgjedhor (KZAZ) të shtatë bashkive të Qarkut Elbasan ka filluar numërimi i votave preferenciale për kandidatët e listës së hapur të partive.
Duke qenë se PS ka siguruar 10 mandate nga 14 të tilla në këtë qark, interes paraqesin vetëm votat për kandidatët në listë të hapur të këij subjekti politik, teksa 5 ishin në listë të sigurtë. PD ka siguruar vetëm 4 mandate dhe këto i shkojnë listës së sigurtë. Gjithsesi, votat e kandidatëve do të numërohen për statistikë, por edhe në rast se njëri kandidatët e listës së mbyllur tërhiqet.
14 kandidatët e listës së hapur të PS në Qarkun e Elbasanit janë: Agron Gaxho, Desantila Tahiraj, Aulona Bylykbashi, Florenc Spaho, Ela Toçka, Olsi Komici, Saimir Hasalla, Shkëlqim Bullari, Ervina Meta, Geldon Fejzo, Musa Coha, Arlind Kullolli, Sara Mila dhe Luan Duzha.
Këta kandidatë do të përballen me njëri-tjetrin në procesin e numërimit të votave preferenciale, i cili do të përcaktojë renditjen përfundimtare të kandidatëve të PS në listën fituese, bazuar në mbështetjen individuale të votuesve.
