Një 34-vjeçar u ekzekutuα me αrmë zjarri pasditen e kësaj të mërkure në fshatin Pla të Hasit. Viktima është identifikuar si Reshit Sallahu (djathtas në foto) ndërsa autori i arrestuar nga policia është Ylber Jaku, 41-vjeç (majtas në foto).
Pas kësaj ngjarjeje të rëndë qëndrojnë konflikte pronësie dhe hakmarrjeje. Sipas raportimeve të mediave autori dyshohet se e ka pritur viktimën pak metra pranë shtëpisë dhe sapo ai është kthyer nga Kukësi e ka qëlluar në momentin që ka zbritur nga makina duke i marrë jetën.
Sipas policisë ngjarja ka lidhje me një konflikt të ndodhur më 6 maj ku prindërit e autorit ishin dhunuar nga motra e viktimës. Për ngjarjen e ndodhur një ditë më parë u arrestua një 21-vjeçare e cila i kishte goditur të moshuarit me një sëpatë.
Me të mësuar për dhunimin e prindërve të tij, Jaku ka ardhur nga Anglia për të kryer krimin. Një nga familjet ka hapur një rrugë kalimi vite më parë. Gjurma e rrugës ka qenë burim konfliktesh prej vitesh, pasi dy familjet pretendojnë se rruga ka prekur pronat e tyre. ©LAPSI.al
