Në fjalimin me shqiptarët e Breshias, kreu i PD, Sali Berisha tha se pasaporta evropiane që premton kryeministri Rama është mashtrim. Sipas tij, kjo pasaportë ka fytyrën e krerëve të bandave dhe mbështetësve të tij që sot janë pas hekurave si kryebashkiaku Erion Veliaj, Lefter Koka etj.
Berisha në fund bëri thirrje që të gjithë të votojnë rrotacionin politik, ndryshimin: Noi Siamo Uno.
Sali Berisha: U tundi dje dhe sot shqiptarëve pasaportën evropiane. Pasaporta evropiane e Edi Ramës, ka fytyrën e tij, fytyrën e Taulant Ballës, Veliajt, Kokës, Ballës, Çyrbes, Safet Bajrit, Suel Çelës.
Ka fytyrën e bandave. Pasaporta e tij është mashtrimi i fundit që s’ka shqiptarë që e beson. Mos harroni kurrë se sot në 10 vite, 1 milionë shqiptarë morën pasaporta duke u larguar nga Shqipëria. T’i japim përgjigjen që e meriton më 11 maj.
Ju bëj thirrje ju dhe gjithë qytetarëve shqiptarëve, të ulen dhe të bisedojnë me cdo shqiptar që është regjistruar të votojë. Të votojnë rrotacionin, Noi Siamo Uno.
