Kryetari i Partisë Demokratike, Sali Berisha ka zhvilluar ditën e sotme takime me qytetarët, dhe tregtarët e bizneseve të vogla tek ish-Uzina ‘Dinamo’, Njësia nr. 8. Berisha i shpjegoi tregtarëve të bizneseve të vogla programin e ‘PD-Shqipëria Madhështore’ për biznesin, për lehtësimin e taksave, që ata të kenë mundësi për të investuar më shumë.
Berisha u shpreh me tregtarët se pensionet ishin të larta kur qeveria mori pushtetin ndërsa tani janë më të ulëta se vendet e tjera të rajonit.
PJESË NGA DEKLARATA:
"I la pensionistët. Kur erdhi ishin më të lartat në rajon, sot janë 3 herë më të ulëta se sa në Mal të Zi, Maqedoni e Serbi.
Na ndaluan 12 vite, asgjë dhe i merrnin paratë. 130 mln euro djegësi i Tiranës, ku është djegësi? 110 mln euro Beketi se e kritikonte Ramën në televizor. Tani nuk ka një sistem, por është vetëm një njeri i vetëm. Ai nuk e njeh ligjin, nuk e respekton’, tha Berisha.
