Deputeti i PD-së Flamur Noka ka publikuar në rrjetet sociale një video ku shfaqet momenti i marrjes nga forcat e policisë të Adriatik Alimadhit, kryetar i Partisë Balli Kombëtar.
Sipas Nokës, Alimadhi ndodhej në kafenenë e vëllait të tij kur kërkoi të mësonte nga policia arsyen e hyrjes në një ambient privat. Pas këtij momenti, siç pretendon Noka, ka pasur përplasje fizike dhe Alimadhi është tërhequr fizikisht.
“Skandal policor, Dhunë dhe rrëmbim live. Personi në video që tërhiqet forcërisht nga Policia e Shtetit është Adriatik Alimadhi, kryetar i Ballit Kombëtar.
Z. Alimadhi ndodhej në kafenenë e vëllait të tij kur kërkoi të mësonte nga policia arsyen e hyrjes dhunshëm e kërcënueshëm në një ambient privat, e mbi të gjitha pa mandat. Horrave të rekrutuar nga rruga nuk u pëlqen mirësjellja dhe edukata.
[video width="202" height="360" mp4="https://cdnimpuls.com/lapsi.al/wp-content/uploads/2025/04/67f045ec3294c.mp4"][/video]
Ata njohin vetëm gjuhën e rrugëve si mjet imponimi. Diskretitimi që i bëjnë uniformës së shtetit shqiptar këta banditë rëndon në xhepat e taksapaguesëve. Hiqini kapelet! Nuk meritoni respeskt”, shkruan Noka.
Mësohet se ngjarja ka ndodhur në ambientet e një lokali në Tiranë rreth orës 21:00 të kësaj të premteje. Ende nuk ka asnjë reagim nga ana e Policisë së Shtetit, se për çfarë arsyesh është shoqëruar Alimadhi. ©LAPSI.al
