Flash

Tragjedia në Koçan, shkon në 60 numri i viktimave

Lapsi.al 4 April 2025
Tragjedia në Koçan, shkon në 60 numri i viktimave

Tragjedia e Koçanit ka marrë edhe një tjetër jetë. Numri i viktimave nga zjarri që përfshiu diskotekën “Pulse” është rritur në 60. Në orët e para të mëngjesit të së premtes, Aleksandar Karadakovski ka ndërruar jetë, pas një periudhe të gjatë lufte për jetën. Ai, edhe pse ishte duke u trajtuar në Lituani për një kujdes më të specializuar, nuk ka mundur t’i mbijetojë plagëve të marra nga zjarri.

Karadakovski, i cili ka punuar si banakier në diskotekën “Pulse” dhe njihej nga klientët si menaxher i saj, ka qenë njëri nga 34 të dyshuarit që po hetohen nga Prokuroria për përgjegjësitë që kanë çuar në këtë tragjedi. Diskoteka kishte funksionuar pa një licencë të vlefshme dhe pa përmbushur kushtet minimale për mbrojtjen kundër zjarrit. Po ashtu, brenda objektit ishin lejuar të mitur, një shkelje e rreptë ligjore. Mosrespektimi i kushteve teknike ka bërë që zjarri të përhapej me shpejtësi, duke u shkaktuar shumë viktima nga fishekzjarrët e ndezura gjatë performancës së grupit muzikor ADN.

Sipas autopsive, shkaku i vdekjes së viktimave ka qenë mbytja nga monoksidi i karbonit, i cili është liruar nga djegia e materialeve të objektit. Po ashtu, gjatë hetimeve janë konstatuar thyerje të brinjëve tek tre viktima, të cilat janë shkaktuar nga shtypja e turmës gjatë tentativës për të dalë nga diskoteka. Mjekësia Ligjore po vazhdon me analizat toksikologjike për të identifikuar të gjitha substancat që mund të kenë qenë në gjakun e viktimave, ndërkohë që hetimet po vazhdojnë.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

14°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI