Gjatë një takimi me banorët e zonës së Fushës së Aviacionit në Tiranë, Kryetari i PD-së, Sali Berisha, ka ftuar këtë të premte në një debat kryeministrin Edi Rama. Berisha tha se e fton në këtë debat si të ketë dëshirë kryeministri, me qëllim për t'i treguar programin qytetarëve shqiptarë.
“Unë nuk kam dëshirë kurrë ta takoj atë njeri, por ua them këtu, e ftoj të dalim në debat para qytetarëve. Lëri monologjet çdo mëngjes me zhaba, hardhuca dhe zhapinj, dhe urdhëro, zotëri, të dalim si të kesh dëshirë, me gazetarë, pa gazetarë, me qytetarë, pa qytetarë. Urdhëro të dalim të paraqesim programin tonë për qytetarin shqiptar dhe Shqipërinë.
Nuk vjen dot, sepse tani ç’kuptova unë, ai ka frikë nga vetja e tij. Po, absolutisht. Kuptova se ai, nga mëngjesi deri në darkë, beson gënjeshtrat e tij. Nxjerr një pasaportë, e prodhuar falë asaj reforme që bëmë dhe thotë: “Ja pasaporta evropiane”. Por harron se ADN-ja e integrimit është ADN-ja e PD-së. Kjo është e vërteta”, - tha Berisha. ©LAPSI.al
