“Përbindëshi” i Premier League, njeriu që pushtoi Etihad menjëherë nuk do të luajë gjatë në Manchester. Në fakt, Erling Haaland do transferohet te Real Madrid në vitin 2024. Për këtë është i bindur shtypi spanjoll, sipas të cilit në kontratën e tij ekziston një klauzolë pro-Real, në favor të qartë për merengues. Lajmin e ka zbuluar ish-futbollisti Blancos Fernando Sanz.
“Ka një klauzolë në kontratën e Haaland që e lejon atë të kalojë te Real Madrid në vitin 2024. Një klauzolë pro-Real që ka kushte shumë të favorshme”, tha për El Chiringuito ish-presidenti i Malagas, Fernando Sanz.
Lexo më tej: Video/ Manchester City shkatërrimtar: tregolësh i Haaland e Foden, për një historike 6-3 ndaj United
Një zbulim që përforcon fjalët e Alfie Haaland, babai i fenomenit të Manchester City, Erling. “Mendoj se ai dëshiron të testojë cilësitë e tij në të gjithë kampionatet – ishin fjalët e babait të Haaland, të raportuara nga Times. Alfie ka folur gjatë promovimit të dokumentarit për djalin e tij, ‘Haaland, vendimi i madh’ -. Kështu, ai mund të luajë në çdo kampionat maksimumi 3 ose 4 vjet. Mund të kalojë dy vjet e gjysmë në Gjermani, dy vjet e gjysmë në Angli dhe më pas në Spanjë, Itali dhe Francë, apo jo? Nuk e dimë nëse kjo do të ndodhë”.
Fjalë që bëjnë miliona tifozë të ëndërrojnë, por që shqetësojnë ata të City. Anglezët tashmë janë të çmendur pas norvegjezit, i aftë të shënojë 14 gola deri tani.
