Pas refuzimit të ofertës së PSG-së, është koha për të diskutuar dhe për të mbyllur historinë: nëse Interi i tha jo ofertës së Al-Khelaifi në seancën e fundit të merkatos, sigurisht që nuk është për të humbur Skriniar falas në tjetrën. Rinovimin e kërkon qartë klubi së pari, por është një vullnet plotësisht reciprok nga sllovaku: palët kanë diskutuar prej disa kohësh - madje edhe para negociatave të verës u arrit një marrëveshjeje në parim për të zgjatur kontratën që skadon në qershor 2023 - dhe Klubi zikaltër është gati ta bëjë qendërmbrojtësin e tij lojtarin më të paguar në skuadër pas Lukakut (i cili, kujtojmë, është i huazuar): shtatë milionë në pagë vjetore, për një marrëveshje pesëvjeçare.
Bazat për një shtrëngim duarsh janë të gjitha, CEO Beppe Marotta ka deklaruar vazhdimisht se ai mendon në terma pozitivë. Pastaj se është pronësia aktuale apo një tjetër që do të ratifikojë marrëveshjen, është një çështje që ka të bëjë me tregun e koorporatave - drejtuesit do të mbetent të sigurtë në vendin e tij - dhe shitjen e mundshme të klubit nga Zhang. Por Skriniar konsiderohet një trashëgimi sportive që duhet mbrojtur menjëherë, pas një vere të trazuar që ka lënë pashmangshmërisht një ndikim edhe në gjendjen e formës së lojtarit.
